mi sual hlaw lo tu

Mi sual hlaw lo tu kan Pathian a si nak kong a si i atha ngai ngai mi hla a si

Tih hlah! Na Pathian cu na sin ah a um zungzal ko

Deuteronomi 20: 1, Nannih nih nan ral hna doh awk ah nan kal I, rang hna le rangleng hna le nanmah I nakin a ngan deuh-mi ralkapbu nan hmuh tikah, nan tih hna lai lo; zeitintiah Izipt ram in an chuahpitu hna Bawipa nan Pathian kha nan sin ah a um.

Nifa tein zumhnak lei ah kar kan hlan nak ah hin Satan ral do tu kan si. zumhnak lei ah kan than deuh nak le hmai I kar kan hlan deuh chin nak caah cun Satan ral do a hau ve.

Kan bible rel mi ah Isreal mi hna zong Izipt ram in an chuak I lam pi ah ral cu an do pah thluahmah ve. Pathian nih cu ral dohnak ah cun nan mah nak in bu ngan deuh nan hmuh hna zong ah tih hna hlah uh a ti hna. Cuvabantuk in kan nih zong zumhnak in hmai lei ah kar kan hlan lio ah hin kan mah nak in a ngan deuh mi le a thawng deuh mi kan hmuh tik hna ah tih lo ding in a kan cawn piak ve. tih nak thinlung hi Pathian nih a duh lo mi a si. Nifa zumh nak in kar kan hlan nak ah hin harnak tih a nung mi, kan mi nung si nak cun kan caah a ngan tuk ti mi hna kan ton ve ko lai. cu kan ton mi vial te cu Pathian nih tih hlah uh tiin a kan ti ve.

Isreal mi hna zong, hi ka zawn ah a ti ve mi hna cu: nanmah Isreal mi bu nakin a ngan deuh-mi ralkapbu nan hmuh hna tikah, nan tih hna lai lo; zeitintiah Izipt ram in an chuahpitu hna Bawipa nan Pathian kha nan sin ah a um tiah a ti hna, cuvebantuk in kan nih zong kan theih ve ding mi cu zumh nak in kar kan hlan lio ah hin kan mah caah a ngan tuk mi le a thawng tuk mi harnak kan ton ko lai. a si nain kan philh lo ding le kan ruah ve ding mi cu Satan ram chung ah zungzal thihnak ding hmun in a kan chuah pi tu kan Pathian kha kan sin a um ti kha philh ve hna hlah uh sih. Zeiban tuk thil le harsat nak kan ton caan zong ah Satan peng nak chung in a kan chuah pi tu kan Pathain cu kan sin ah a kan um pi zungzal ve ko. Nifa tein zumhnak in kar kan hlannak ah zei ban tuk thil hmanh tong ko hmanh uh sih law tih lo in kan biak mi Pathian cu kan sin ah a um zungzal ve ti hi a thei I tei nak a hmu mi kan si nak lai pakhat cio cung ah Pathian nih thlachuahnak he kan um cio ko seh…

Sualnak kan tuah I minung kan um tu ning le kan si ning

 Genesis 3: 8 – 13 tiang kha rel ka duh mi cu  asi, (a za pi tein ka tial si cun a sau tuk lai caah, a kong in ka vun langh ter lai, Pathian nih Adam le Eve cu eden dum chung I a um mi thing thei kha ei hlah uh a ti mi kha an ei nak kong kha a si. An ei dih hnu I Pathian khuaika dah na um ti  ahal nak le an leh nak le an um tu ning kong kha vun langh ter ka duh mi cu a si).

1, Sualnak kan vun tuah bak khin kan ning a zak (kan ni phu hrung tawn),

(Genesis 3: 7, An ei dih cangka in hngalhnak kha an vun hmu I taklawng an si kha an I hngal; cucaah cun theipi hnah kha an I thit I an I hruk). Hi ka zawn ah Pathian nih nawl a rak pek mi hna cu a tha le thalo hngalhnak pe khotu a tlai kha ei lo ding a ti hna, cu cu a ti mi hna cu ngai lo in a thei an vun ei bak in, hngalhnak kha an ngei I tak lawng an si cu an ni hngal I theipi hnah kha an I thit I an I hruk. Cuvebantuk in kan nih zong Pathian nih nawl a kan pek mi zul lo in kan tuah sual can ah zei tin in dah kan um ve ti cun kan ning a zak I, kan mah si nak in cu kan sual nak cu huh kan ni tim tawn ve. Cu cu kan ning a zah ruangah a si, sual nak kan tuah ah cun ka ni phu hrung I kan ning a zak I kan mah tein huh ka ni tim ve tawn. Mah hi hi kan pu pi a si mi Adam chan in a rak I thawk cang mi a si.

2, Sualnak kan tuah si cun Tihnak in kan khat tawn

(Genesis 3: 9- 10, Bawipa nih cun “Khuazei ah dah na um?” tiah a ti. V10, mi pa nih cun “ Dum chung I naa chawh thawng kha ka theih I taklawng ka si caah ka thin a phang, kaa thup, “ tiah a leh). Adam le Eve cu Pathian nih ei hlah uh a ti mi nawl an ngeih lo ruang ah Pathian cu an sin I a va kal tik ah cun an thin a phang I an I thup, cu cu nawl an ngeih lo ruang le an sual nak kha an ni hngalh ruang ah si. Cuveban tuk in kan nih mi cheu tam pi cu sualnak a si kan hngalh ko nain kan vun tuah sual ah cun kan thin a phang I tih nak in kan khat ve tawn. Cu ban tuk tih nak in kan khah can ah zei tin dah kan tuah ve tawn. Adam ban tuk in kan ni thup ve sual maw. Kan sual cu zei zong vial te thei tu le hngal dih tu Pathian hmai ah kan thup ve maw? Kan sual cu a si khawh chung in thuh khawh kan ni zuam tawn ve.

3, Sualnak kan tuah tik ah kan mah sual a si ko tiin ti lo in mi dang kan va kan puh tawn hna

(Genesis 3: 11- 13,  V11 b, “Ei hlah kan ti mi kha na ei dahra?” V12, Mipa nih cun, “Na ka serpiakmi nu nih khan a thei cu ei awkah a ka pek I ka ei,” tiah a leh. V13, Bawipa nih minu cu a thawh i, “Zeicahdah hihi na tuah?” tiah a hal. Minu nih cun, “Rul nih a ka eiter,” tiah a leh). Hi ka zawn ah hin zoh hmenh uh sih, Pathian nih bia a vun hal hna tik ah, Adam nih cun a nupi Eve ruang ah ka ei a ti, Eve nih cun a thawh ve I Rul nih a ka hlen I ka ei a ti ve. Cuvebantuk in kan nih mi tam pi zong sual nak kan tuah tik ah mi dang nih mah ti cun an ka ti ruang ah le a ka chimh ruang ah ka tuah mi si tiin kan ni phisin ve theu tawn. Ka sual, ka ngai thiam ti chim cu kan hman hleng bak lo.

Hawidawt hi vawlei kan nunnak ah sualnak in a khat mi chung ah hin sualnak kan tuah can le kan tuah sual can ah Adam bang in ningzak in Pathian hmai ah a hup mi kan si ve sual maw, si lo ah kan sual ruang ah tih phan nak he khat in Pathian hmai ka in ka luat kho lai tiin kan sual nak cu kan thup ve sual maw? A si lo ah kan sual nak cu kan mi nung hawi ruang ah a si tiin phisin nak Pathian sin ah kan tuah ve maw? Tu chun ni ah zumtu hawidawt kan za tein kan sualnak cu Pathian hmai ah ningzahnak um lo tiin a phuan ngam mi le tihnak um lo tein le hi sualnak ka tuah mi hi cu kei mah ruangah a si ko tiin Pathian sin ah ngeih thiam nak a hal mi kan si cio nak lai Pakhat cio kan nun ah Pathian thachuahnak he kan um pi cio ko seh…